Mae'r NMC yn chwilio am ddau aelod newydd o'r Cyngor

Published on 22 November 2023

Mae hwn yn gyfle cyffrous i ddau berson dawnus o safon i ymuno â’n Cyngor – y corff llywodraethu sy’n gosod ein cyfeiriad strategol.

Mae’r Cyngor yn cynnwys chwe gweithiwr proffesiynol ar ein cofrestr a chwe aelod lleyg, pob un wedi’u penodi gan y Cyfrin Gyngor – gan gynnwys o leiaf un aelod o bob un o wledydd Gogledd Iwerddon, yr Alban, Cymru a Lloegr.  

Rydym yn chwilio am weithiwr nyrsio neu fydwreigiaeth proffesiynol cofrestredig sy’n byw neu’n gweithio yng Nghymru, ynghyd â pherson lleyg â chymwysterau ariannol a leolir yn y DU a all gadeirio ein Pwyllgor Archwilio. Fel aelodau’r Cyngor, byddant yn ein helpu i sicrhau bod pobl sy’n defnyddio gwasanaethau iechyd a gofal cymdeithasol yn cael y gofal diogel, caredig ac effeithiol y mae ganddynt hawl i’w dderbyn.  

Ein nod yw i'r Cyngor adlewyrchu cymdeithas yn ei holl amrywiaeth a bod yn ymwybodol o anghenion y cymunedau rydym yn eu gwasanaethu a'r gweithwyr proffesiynol rydym yn eu rheoleiddio. Felly, rydym yn awyddus i glywed gan bobl sydd â’r sgiliau cywir o gefndiroedd, profiad a chefndir amrywiol.  

Dywedodd Syr David Warren, Cadeirydd y Cyngor:  

“Mae hwn yn gyfnod hollbwysig i’n Cyngor, a bydd ein haelodau newydd yn dod â phrofiad strategol a mewnwelediad i waith yr NMC wrth iddo barhau i wneud gwelliannau mewn addasrwydd i ymarfer, gan wneud penderfyniadau cyflym a diogel sy’n cadw pobl yn ddiogel. Bydd eu safbwyntiau a’u harbenigedd yn helpu’r Cyngor i oruchwylio’r gwaith parhaus i fynd i’r afael â’r llwyth achosion addasrwydd i ymarfer, gan alluogi’r NMC i wneud penderfyniadau sy’n cadw pobl yn ddiogel; a bydd hefyd yn sicrhau bod yr NMC yn creu diwylliant cefnogol a chynhwysol ar gyfer ein pobl.  

“Rydym yn awyddus i glywed gan ymgeiswyr sy’n ymgorffori ein gwerthoedd – i fod yn deg, yn garedig, yn gydweithredol, ac yn uchelgeisiol – ynghyd â’n hymrwymiad i gydraddoldeb, amrywiaeth, a chynhwysiant – sy’n sail i bopeth a wnawn.”  

Mae ceisiadau ar gyfer y rolau nawr ar agor tan hanner dydd ar ddydd Llun 8 Ionawr 2024. I ddysgu rhagor amdanyn nhw a sut i wneud cais, ewch i 

https://hhmicrosites.com/nmc-2023-home-welsh/


Other recent news…

NMC celebrates International Nurses Day 2024

Published on 12 May 2024

Today we’re celebrating all the nursing professionals and students across the UK dedicated to providing safe, kind and effective care, for the benefit of the pu


NMC appoints new education quality assurance service provider

Published on 09 May 2024

We are pleased to appoint the Quality Assurance Agency (QAA) as our new education quality assurance (EdQA) service provider, following a rigorous procurement pr


NMC endorses new framework to address emerging concerns

Published on 08 May 2024

We’re joining other health and social care regulators in Northern Ireland to support a new intelligence sharing framework. This represents a collective commitme